艺人郭可盈与林文龙育有女儿林天若（Tania），依家Tania大个女，开始经营个人社交网，时不时就晒出父母镜头后嘅日常，令人羡慕！今次就轮到妈咪郭可盈晒相，佢上载一家三口全家福，见佢哋出街食饭都要Selfie，仲要齐齐一致望向镜头，果然一家人一条心。
Tania到底似边个多啲？！
郭可盈仍然Keep到个少女味，网友大赞。
当中见到又大个女咗嘅Tania，同Daddy Mammy愈嚟愈似样，而郭可盈同林文龙更加系愈来愈有夫妻相，难得举家都“撞样”，唔少网友就疯狂热论到底阿女似边个。Tania眼大大又有神，对住镜头都冇怕丑，唔知第时大个女会唔会一样入行做演员呢？