落選港姐廖慧儀的舊愛Sam，日前疑被情所困墮樓身亡，終年27歲。Sam和廖慧儀分手後，表面看似心情已平靜，但原來一切只是山雨欲來的表現，Sam除了一早寫好千字遺書，在死前對前度作出最後控訴外，原來在事件發生前一星期，心情鬱結的他，亦有向朋友傾訴心事，言談間已表達輕生念頭。
昨日有Sam的朋友Nay表示自己有幾段在上星期三和Sam的對話錄音，當中Sam圍繞的內容依舊是舊愛廖慧儀，他指自己和對方同居年多，原本很甜蜜，但自從廖慧儀參加港姐入行後，整個人都變了。Sam在短訊錄音中説：「渠以前好黐我、嗲我，估唔到咁冷酷無情，分咗手話攞返條褲，攞完好似陌生人咁話：『我走喇，byebye！』又話扔曬渠啲嘢唔使畀返渠，渠慨決心唔知喺邊度嚟。」
而Sam在錄音中，對於自己被分手一事亦感到相當自責。他説：「我呢個幾月不斷反思，真繫好多嘢做得好差，譬如佢話我對錢好執着，話我成日咩都要halfhalf，呢啲系佢唔鐘意，但嗰陣時渠又ok喎，我諗如果我付出多啲，揾兩萬就畀曬兩萬，件事出嚟會唔會好啲呢？同埋以前我成日因為家務話渠，話屋企唔系咁乾淨，其實諗返女人應該要嚟錫慨，唔應該鬧渠，到最後佢話我迫走渠，好後悔、好內疚，渠都block曬我所有嘢。」另一方面，Sam説自己過往的女朋友條件也不差，但沒有一個比得上廖慧儀，坦言失去對方，可能要等10幾年才再遇上另一個。
Nay表示自己數年前透過朋友認識Sam，但雙方已有一段時間沒有聯絡，直至上星期三，Nay見Sam在IG貼了一張天台相，已感覺對方情緒不妥，在IG留言叫對方不要做傻事，誰知言猶在耳，Sam已不在。至於被千夫所指的廖慧儀，選港姐後加入大台由空姐轉職做藝人，有「翻版馮盈盈」之稱的她，演藝事業剛起步，大台本打算安排她加入娛樂新聞台做主播，今日舉行的《歡樂滿東華2020》原本也有演出，但TVB為了給予空間，已暫停廖慧儀的工作。