TVB小花馮盈盈去年被東網影到與賭王四房公子何猷亨開船P後，是非不斷，之後又傳出成為“殼王”陳國強新寵，富貴逼人，對此盈盈已隨即否認。近日TVB節目《後生仔傾嚇偈》主題講“我要嫁個有錢人”，仲請嚟“玄學天后”做嘉賓，盈盈揚言接受唔到呢個年紀就做人妻專心相夫教子，希望透過工作肯定自己嘅價值，間接為外界指佢只顧釣金龜婿平反。
她又直言好多追求者都想同她定終身，不過玄學天后就一語中的：“男人講嘅唔好信，真系想結婚嘅系唔會出聲！”仲反問：“你唔覺得閃婚都好容易出事咩？”盈盈即表示同意：“系呀，我覺得閃婚都會出事！”似乎暗指醫生舊愛鍾文浩同拍拖只有數月嘅“翻版徐子淇”黃潁妍閃婚。
另外，玄學天后大爆嫁入豪門有3大條件：“靚系基本嘅，一代醜新抱，十代醜兒孫，如果新抱唔靚，溝咗（基因）落嚟，連續十代都醜樣曬！學歷系嫁妝，簡簡單單都要讀埋個碩士，博士就多咗。另外，拋頭露面就真系唔鍾意，要不得。”
她更爆有位富家奶奶客人嫌棄兒子嘅選美出身女友：“我有個客好有錢，佢個仔同個好靚嘅女仔一齊，唔系藝人不過就選美出身，國際性選美，但佢同我訴苦，話新抱出嚟做司儀就失禮人！我哋成班阿太食飯，我覺得個女仔幾好，又靚又博士生畢業，對文化藝術解説得好，但有錢人想法唔系咁。佢哋覺得我哋喺度食，點解個新抱要去做主持呢？”
