李施離巢TVB後再回歸接拍《金宵大廈2》
▼
61歲金牌綠葉效力無綫32年如坐監？
▼
吳卓羲爆《飛虎》第三輯大換血：會有安仔
吳卓羲（Ron）今日到電台宣傳劇集《飛虎之雷霆極戰》，問到有否劇透時，他笑言半年前已看過，但不太記得內容，講到劇集少宣傳活動，他解釋：「唔系，只系因為禁聚令關係，而且之前拍咗好多集《飛虎同學會》已經系宣傳。」他稱聽聞劇集收視不俗，講到《飛虎》第三輯，Ron透露原定三、四月開工，但因疫情而延遲，預計七月初開拍，他大爆會有幾位視帝加盟：「會有安仔（郭晉安），女演員就會全部換新，有啲我都未合作過。（好期待？）好期待，又可以同三哥（苗僑偉）合作，依家有工開已經好感恩，又可以同班好兄弟合作。（新女拍檔擔唔擔心傳緋聞？）仲細咩？！冇人傳，拍完就冇人講。」
正拍攝無線新劇《BB大曬》的吳岱融，表示快將拍畢，因種種原因拖長了拍攝時間：「同細路拍系要時間長啲，比較難控制，然後疫情之下都改過好多次外景。」提及戲中飾演他兒子的馬國明近日爆出新戀情，吳岱融指有恭喜對方，更抵死催婚：「佢都唔細啦，我嗰時37歲結婚都畀人話遲！嗰日新聞一出，先知原來湯洛雯（靚湯）系湯鎮宗個女，湯鎮宗同湯鎮業都系我好朋友，家庭背景好好，如果請我去飲梗系會去。」
吳岱融突然爆料話曾親見「仔仔」跟靚湯「咿挹」：「之前耐唔耐喺公司都見佢同個古裝女俠（靚湯正拍攝古裝戲）傾偈，幾好傾，仲唔止一次添！（唔去求證嚇？）唔好意思行埋去騷擾佢哋。」再大讚馬國明是圈中「筍盤」：「佢好錫媽咪，人緣又好，舊年佢拎『最佳男主角』嗰陣，啲人繫好似浪咁彈起身拍手，好得眾心！靚湯能夠嫁畀佢就開心！」
陳自瑤新劇泳裝上陣 王浩信贊老婆向來都咁Fit
王浩信與湯怡在《Amazing Summer》記者會落力宣傳劇集《反黑路人甲》（前名《極度怪咖》），二人主要戲分是感情線，湯怡説最難忘被吊在離地20多層樓拍攝，她到現場驚到喊。王浩信也要站在大廈邊救湯怡表示好驚， 但否認chok住救湯怡，相反將最醜一面表現給觀眾看。
問及父親節，浩信表示最近不停開工，希望抽到時間食飯。説到太太陳自瑤在劇集《那些我愛過的人》泳裝上陣，被網民大讚，他説希望觀眾支持。問他是否支持？他説不講這些，指太太一向都好Fit，但不回應是否介意太太姓感演出。
Cammi遊艇激咀女友人
網紅謝芷蕙（Cammi）近年完全退出幕前，出盡奶力谷爆自己個社交網，依家已經有成逾18萬Followers，就係靠佢每一張都P圖味特濃嘅自拍同富貴生活吸睛，以違反人體工學嘅Barbie身材搶Like，都幾厲害！
今次佢又獻新猷，曬出同女性友人激咀嘅合照，見二人似身在遊艇上表現梳乎，二人同曬長腿咀嘴，SheShe味極重，友人仲側側哋頭咁迎接Cammi肉嘴，真系睇到網友尖叫！
馬國明許志安重新出發 黃心穎看清世界
去年4月，黃心穎被爆背男友馬國明（馬明）跟人夫許志安（安仔）於車廂偸情，形象破產的她即全面停工，這段期間，心穎都不時於社交網交代近況，大部分相也是湊B、湊狗居多。事隔1年多，上週馬明與湯洛雯高調公開戀情，「湯馬」即獲全城祝福；另一邊廂，沉寂14個月的安仔昨日亦重新出發，復出為ViuTV音樂節目《寶麗金50週年Chill Club》錄影，他直言：「過去嘅由得佢過去，對我係一個錯誤、傷痕，我唔會忘記。當每次我睇到呢啲傷痕，我會更加警醒自己，提醒自己，未來要做得更好。」並謂屋企好重要，未來都會專注家庭和事業。
兩男跟過去劃清界線，心穎都唔弱，近日也被拍得跟樂隊組合Rubber Band鼓手泥鯭帶愛犬去寵物診所做絕育手術，兩人更一齊回香閨。對於馬明和安仔的心動向，心穎今日凌晨終於在IG Story回覆，她轉發一名愛情專欄作家寫的文章，並以英文表示：「家姐傳了這篇文章給我。近日我都收到好多信息，問我係O唔OK，呢篇文章就總結咗我嘅心情。多謝大家，請放心，人生只會愈來愈好。」
20歲慶生騷才藝 歐陽娜娜卷抄襲風波繼續唱
歐陽娜娜今日20歲生日，她特別在生日前夕舉辦網上直播音樂會，與粉絲共度19歲的最後一天。
音樂會上，她首度公開獻唱三首自己創作的新歌，當中包括被指抄襲的《The Best For You》，但她仍無懼爭議照樣完成演唱，獲大批網民贊好，可見其人氣未受抄襲風波影響。
56歲裝扮似26歲 呂珊潮嬸Look名店試袋
童星出身嘅呂珊，唔經唔覺已入行五十週年。可能00後未必識佢，介紹返，呂珊九歲就開始唱歌揾食，唱過酒廊同荔園，亦試過出埠登台，其實佢系另一個梅豔芳，有時命運嘅嘢真繫好難講。計嚇數，呂珊已經56歲，雖然年過半百，但從佢身上完全發現唔到半點中年人味道，好Fit，着衫又潮，外國人最多估佢3字頭。
之前有傳暴瘦嘅呂珊患上厭食症，不過佢接受電台訪問時就澄清，因為幾年前經常開演唱會，為保最佳狀態不斷減肥而過度節食，減出癮先畀人誤會。不過呢，上咗年紀，太瘦會顯得個人好老，好彩佢又唔算咋。