熟悉TVB嘅可能對呢個人都會有印象，冇錯，佢就係Owen張振朗。
講起TVB小生張振朗，小編最初嘅印象係佢幾年前喺《Sunday扮嘢王》入面扮Chilam張智霖，從外形到聲音都非常似，當時小編就覺得TVB處處都係人才。
（温超同張振朗邊個扮得似d呢？）
再加上《衝上雲霄2》Cool魔嘅造型，真係夠殺食！
作為無線電視藝員訓練班第25期畢業嘅藝人，張振朗當初憑藉住一副有些少似黃宗澤嘅面孔，好快就俾TVB睇中，從而入行拍劇。
12年，張振朗參演咗加入TVB嘅第一部劇——《法網狙擊》，飾演蔡震烈（炸彈哥）嘅佢開始咗演藝之路。
之後佢喺《好心作怪》、《熟男有惑》、《情逆三世緣》、《神槍狙擊》等等劇集都有份參演，不過就係客串嘅角色。
不過後來喺長劇《愛．回家》入面，張振朗嘅戲份開始多咗，慢慢有咗上位嘅機會。
再到今年嘅《全職沒女》，張振朗已經榮升男二，前途一片光明！
喺今年下半年嘅新戲《踩過界》，張振朗頂替羅仲謙，繼續做男二，搭檔王浩信、蔡思貝、李佳芯，唔知有冇機會再進一步呢？
《踩過界》6月19、20號起在愛奇藝首播
至於網上有唔少網民話張振朗又似呢個又似嗰個...
小編覺得，外形只係相對來講有優勢，好容易俾觀眾記住，但係演藝圈生存下來只能靠自身嘅努力，視帝影帝絕對唔係靠靚仔。張振朗從當初嘅客串角色走到今日可以做男二，少唔到同各位前輩嘅學習，打磨自己嘅演技，漸漸走出咗“翻版黃宗澤”或者“翻版張智霖”嘅影子。相信好快當我哋喺電視劇見到佢嘅時候，可以知道佢並唔係好似邊個邊個，佢就係TVB嘅小生——張振朗！
而前幾天張振朗旅遊照片中在墨鏡中可以看到陳芷尤，疑似變相公佈戀情
不做下一個誰，做第一個自己！